Ama “hem hem” aveza amahlangothi amabili womjolo

Abantu eenkundleni zokuthintana bakholelwa bonyana u Babalwa M kanye no Kelvin Momo bavusulule ubudlelwano babo.

Lokhu kuza ngemva kokusolelwa ngoku hlukana kwabo laba abavumi, okwabangwa ziinthombe zaka Kelvin Momo nomunye umuntu wengubo.

Iindaba zokuhlukana kwabo godu zabaselwa khulu nge vidiyo ka Babalwa M kanye no MySol ngomnyanya wokugidinga ilanga lamabeletho lakhe u somarhwebo lo.

Nanoma ukuhlukana kwabo kungazange kuqinisekiswe begodu kuphikwe, abalandeli babo babone ngendlela benza izinto ngakhona, okugade kungasafani na phambilini.

Abanye bayakulandula ukuhlukana kwabo, kanti abanye bayasola bonyana kukhona ebangakuboni kuhle ngeendaba lezi.

“Bahlukene kwamambala? Ai, unyaka lo ngikhethe ukungaqali iindaba zabantu,” kwatlola omunye wabalandeli u iambuhle_m ekhasini laka freshmenmagx ku Instagram.

Ama “hem hem” wokuhlukana kwabo akhange athome ngo MySol ngombana abantu eenkundleni zokuthintana babona ngendlela u Kelvin Momo asondelene ngayo nomunye umuntu wengubo.

FUNDA NALOKHU: https://ilangabinews.co.za/umnyanya-ka-mysol-wodumo-usese-sematheni/

Kodwana abalandeli abanye balandulile bonyana umuntu wembaji obonakale ku kuvidiyo le akusuye u Kelvin Momo.

U Babalwa uvele wakhipha iingoma ngokuphela kobudlelwano, lapho kwabonakala ke ngokuya ngabanye bonyana ukhuluma ngobudlelwano bakhe no Kelvin Momo.