Abosaziwako bangenelele i-Top Billing Presenter Search ku SABC 3

Abosaziwako abanengi eenkundleni zokuthintana kanye naku mabonakude ne mirhatjhweni bangenelele i-Top Billing Presenter Search bonyana babe bubuso obutjha behlelo leli le Top-Billing.

I-season etja ye-Top Billing ithomile ku SABC 3.

Ukufunwa komrhatjhi we hlelo leli la ku mabonakude ku zokuvalwa mhlana amalanga amatjhumi nantathu enyangeni ka Mngwengweni 2026, begodu abosaziwako eenkudleni zokuthintana sebakulungele bona bangakhethwa ukobana barhatjhe ihlelo leli le SABC 3.

Abosaziwako ababaliweko ngu Lerato Nxumalo umdlali wa ku mabonakude, uHarriet “Mpumi” Mthimunye, uGugu Karen Mthethwa ongumrhatjhi we-YFM kanye nabanye abanengi.

Boke abosaziwako batjengise amarhono wabo ngokwenza ama video wabo we- audition ezibonakala eenkundleni zokuthintana.

Abazokuphumelela ephalisanweni leli le Top Billing Presenter Search bazokuthola ithuba lokuhlanganyelana ne sqhema se hlelo leli, okubalwa hlangana u-Arno Greeff, uSine Mpulu kanye no Bryoni Govender.

U Bonang Matheba, owaziwa khulu ku mabonakude begodu obekade arhatjha ihlelo le Top-Billing ngomunye oyi jaji ku Top Billing Presenter Search.

U Matheba uthi boke abangenelele iphaliswano lokuthola umrhatjhi olandelako kumele bahluke begodu bangenzi into yinye.

Ubuye godu wathi bafuna umuntu ozokurhatjha ngendlela ezwakala ngathi ukhulumisana nabantu.

UNGAFUNDA NALOKHU: https://ilangabinews.co.za/top-billing-ibuyela-nesizini-esitjha-ngokukhazimulako/