Amaphandle aphethe ama-spaza shop eSoweto athi akayindawo

Umphathi werhwebo le-spaza shop obuya enarheni ye-Ethiopia uthi akayindawo.

Umphathi lo uthi uneminyaka engaphezu kwamatjhumi yoke, athengise endaweni eyodwa e-Extension 7 e-Soweto, begodu uzimisele ngokuragela phambili njalo.

Utjele i-Scrolla.Africa bonyana uzakuvala amasango we-spaza shop sakhe ngoLosibili, kodwana ngo Losithathu, uhlele ukubuyela godu erhwebeni lakhe.

Amarhwebo ambalwa endaweni le bekasebenza njengenjwayelo ngoMvulo.

Umfazi osuka enarheni ye-Mozambique, othengisa ngaphakathi kwetende eduze ne-show grounds endaweni leyo, naye uveze bonyana uzobe avalile ngoLosibili.

Kodwana ubeke kwaqaqa bonyana yena ungenarheni ye-Sewula Afrika ngokusemthethweni, begodu naye akayindawo. “Ngiz ukuzokusebenzela abentwana bami,” watjho.

Usomarhwebo owabelethwa enarheni le uthi yena uzokuvula ngo Losibili, kodwana uveze ukudana ngokuthi amarhwebo aphathwa ngendlela ehlukahlukeneko naziza ekuthobeleni umthetho.

Uthi umthetho uqiniswa khulu emarhwebeni wabantu benarha le bese amarhwebo wamaphandle asenarheni le wona ayaphunyuka.

Uveze godu nokuthi abomastende nabo ababekwa iqala ngalokhu.I Scrolla.Africa ithi ngoMvulo isitrada esitjhinga e Protea Glen Mall besithulile, abantu abathengisa endleleni bebabancani kanye nalaba abatjhayela iinkuta zokukhambi ukudla.