URebecca Malope uhlonitjhwe ngonongorwana kuma-NACA
Umnyanya wamaNational Arts and Culture Awards (NACA), ohlelwe mNyango wezeMidlalo, ubuCiko namaSiko, ube yipilo ekhethekileko eSun City, eNorth West, ngoLosihlanu ebusuku.
Omunye wabahlonitjhwe khulu kube yiKwekwezi yomvumo wekholo, uRebecca Malope, wathumba unongorwana weLifetime Achievement Award.
Nanyana uRebecca sele anabonongorwana abangaphezu kwama-40, uveze bona ukuphumelela kusamthobisa qobe.
Uthe: “Kuyisibusiso, kungumusa kaNkulunkulu. Kuyangithobisa,” watjho njalo kuvidiyo etlolwe mNyango.
Ubuye wathokoza abasekeli bakhe ngokumamukela emindenini yabo neempilweni zabo.
FUNDA NALOKHU: https://ilangabinews.co.za/usiphesihle-vazi-ujoyina-i-amalanga-awafani-ureginald-gumede-uyabuya/
URebecca, osele aneminyaka engaphezu kwama-40 emkhakheni womvumo, akasiye umuntu othoma ukuhlonitjhwa ngabonongorwana.
Ngonyaka odlulileko, wathola unongorwana ofanako kuma-Metro FM Music Awards kanye nakuma-Basadi in Music Awards.
Ubuye wathi: “Ngaphandle kwabo ngakhange ngibe lapho engikhona namhlanje.
Nangu omunye unongorwana wenu bantu beSewula Afrikha. Nginithanda khulu, sengathi uNkulunkulu angangitjhudubazela nina,”
Abanye abafumene amaLifetime Achievement Award kuma-NACA ngu-Alec Khaoli noLeon Schuster.
Kwahlonitjhwa nabangasekho emhlabeni, uMiriam Makeba noMandoza.
UFelicia Mabuza-Suttle yena ufumene iSpecial Ministerial Award ngamagalelo wakhe.
Emnyanyeni lo, kubonakale nabalingisi uDumisani Mbebe, uKgomotso Christopher kanye noMiss South Africa uQhawekazi Mazaleni.
Kweminye imikhakha, abaphumeleleko ngabalandelako: Mellaney Roberts (Outstanding Visual Artist), Gallery Momo (Art Gallery), Madoda Fani (Crafter), Bridget Phakathi (Curator), KwaZulu-Natal Museum (Museum), Fanie Viljoen nge-Die Beste Sussie vir ‘n baba-draak (Children’s Fiction).
Bese kwathi uMichelle Kekana nge-The Fragile Mental Health of Strong Woman (Book Fiction), Kutlwano Masote nge-Imperfect Harmony (Book Non-Fiction), Jacana Media (Publisher), David Tlale (Fashion/Textile)
USebata wathumba nge-The Beast (Film Fiction), Siya Masuku (Graphic & Multimedia), Koleka Putuma (Poet Performance), Gregory Maqoma (Dance Production), The Fatherland (Theatre Production), Themba Ndaba (Actor in Theatre).
Kanye noColin Payne (Architecture/Interior), noSizwe Zako (Special Outstanding Musician).
