Isitha: The Enemy ingezelela umtjhiso njengoba isondela esiphethweni

Ababukeli be-TV eSewula Afrikha bazokuvalelisa i-Isitha: The Enemy, ngombana i-e.tv seyikuqinisekisile bonyana umdlalo lo uzokuphela ngemva kokubaleka isikhathi esingaphezu kweminyaka emithathu.

Isiqephu sokugqina sizokukhitjhwa ngomhlaka 23 Sihlabantangana 2027, okutjho bona indaba yomndeni wakwaSokhulu seyifike esahlukweni sokugqina.

Nanyana sekumenyezelwe isiphetho, umdlalo awukapheli msinyana.

Abalandeli bangaragela phambili bawubukele ku-e.tv ngo-20:30 ebusuku, njengoba iinqephu eziseleko zisakhambela phambili ukuya ekugqineni konyaka ozako.

Lokhu kunikela ababukeli ithuba lokulandela indaba ize iphelele ngendlela ehlelwe sitetjhi.

Ngokutjho kwe-e.tv, isiqunto sokuphelisa umdlalo siyincenye yokuletha “isigaba esitjha” sokutlola iindaba nokwakha imidlamo emitjha.

Isitetjhini sithe i-Isitha: The Enemy besele kungiwo kuphela umdlalo weenzukulwana wangaphambilini.

Yeke ukuphela kwayo kutjengisa ukutjhuguluka okukhulu ngendlela i-e.tv ehlela ngayo umkhiqizo wayo wendawo.

UHelga Palmer, ophethe ukuthuthukiswa komkhiqizo namasu ku-e.tv, uhlathulule bona umdlalo lo udlale indima eqakathekileko ekukhuleni kwendlela yesitetjhi yokuxoxa iindaba.

Isitetjhi sitjheje phambili ebalingisini abatjha, imibono emitjha, neendatjana ezihlukileko ezizokwakha isikhathi esilandelako ssemidlalo.

I-Isitha: The Enemy yamenyezelwa kokuthoma ngoMrhayili 2023 njengomlandeli we-The Black Door, ihlongozwa njengedrama yomndeni egcwele ukungqubuzana, imiraro nokurareka.

Ekuthomeni konyaka lo, isizini yesi-4 ilethe ubuso obutjha nepi etja, kufaka noKabelo ‘KB’ Motsilanyane njengoDineo Mtshali, umdwebi wefetjheni ophumeleleko ovela eSoweto.

UMtshalu ulindeleke bona angezelele ukutjhisa kwendaba ngaphambi kwesiphetho.