Kutholakele isidumbu somfazi sethoba (9) eDawn Park

I-South African Police Service(i-SAPS) ithole esinye isidumbu sethoba somfazi eEkurhuleni, eEast Rand.

Isidumbu somfazi sitholwe ekuseni ngoLosine, ngomhlaka 17 Khukhulamungu 2026.

Ngokuya kwemibiko, isidumbu somfazi ebesingakambathi ngokupheleleko sitholwe endleleni eDawn Park, sembeswe ngetjhila.

Lokhu kubange ukutshwenyeka khulu emiphakathini kunaphambilini ngemva kokutholwa kweendumbu zabafazi muva-nje.

UMphathi-Mkhandlu omkhulu we-SAPS uFred Kekana uthi okubonakala kokuthoma kukhombisa bonyana isidumbu silahlwe lapho sitholwe khona.

Umfazi lo akaziwa begodu namapholisa akakaqinisekisi isimo esiphathelene nokufa kwakhe.

Umkhulumeli wamapholisa uColonel Dimakatso Nevhuhulwi uthe isehlakalo lesi sizokufakwa kuphenyo lokufa kwabafazi eEkurhuleni.

“A multidisciplinary team of experts has already been mobilised to work on the cases and ensure that those responsible for these crimes are brought before the court,” kwatjho uNevhuhulwi.

Ukubulawa kwabafazi laba ngokulandelana kuthunuke inarha yoke, kwathatha imiphefumulo yabafazi abahlanu eKempton Park, ababili eOlifantsfontein, munye KwaThema, kanye namunye eDawn Park.

Amapholisa anikele ngomvuzo we-R400 000 ngemininingwana engaholela ekucazululweni kokubulawa kwabongazimbi kanye nokubotjhwa kwabasolwa.

Begodu azokufaka iKempton Park ngaphasi kwe-lockdown nge-Operation Shanela.

I-DA nayo inikele ngomvuzo we-R500 000 ngemininingwana eholela ekutjhutjhisweni kombulali nofana ababulali.