Oratile Mmola Bogaditšong: indodakazi ka Shoki idlala unina

U Oratile Mmola uzokuvela ku Bogaditšong: Sister Wives.

Umntwana womntazana ka Shoki Mmola, u-Oratile Mmola, uthole iskhundla sokuba mlingisi ku-eVod drama, i Bogaditšong: Sister Wives.

Abantu eenkundleni zokuthintana bakujabulele lokhu kodwana bathi bathemba bonyana uzokwazi ukuyidlala kuhle indima le.

“Wow, mnqabango omuhle lo naziza eendabeni zokufana, bayafana. Khe silinde sibone ukuthi irhono lokulingisa liyafana na,” kwaphawula u @Chisude ku X.

U-Jabulani MacDonald otlola iindaba zaku mabonakude utlole ekhasini lakhe le-X ngoLosithathu, 10 Mngwengweni 2026, wathi u-Oratile uzokuvela kumdlalo lo.”

Umntazinyana ka Shoki Mmola, u Oratile Mmola, uzokudlala unina asesemncani ku-drama etja ye Sepedi i Bogaditšong: Sister Wives.

Shoki Mmola’s daughter, Oratile Mmola, will play a younger version of her mother’s character in the new Sepedi drama series ‘Bogaditšong: Sister Wives’

The new series premieres tomorrow on evod. 📺 pic.twitter.com/YihMkMvAYo

— Jabulani Macdonald ⚡️ (@Jabu_Macdonald) June 10, 2026

I-series le ithoma ukuvezwa kusasa ku-eVod,” kwatjho u Jabu McDonald ngokuya kwendaba etlolwe ku Briefly News.

Ngokuya kwemibiko ku-media, indima ye ndodana ka Mmola idlalwa ngu Wiseman Zitha obegade alingisa emdlalweni we Giyani: Land of Blood ku SABC 2.

U Shoki Mmola yena uzokudlala indima ka Puseletso, obegade ayilunga lesqhema seengoma esidumileko i ‘Bright Sisters’.

Begodu ungu nina wendlalifa ye-Matlou, edlalwa ngu Wiseman Zitha.

Umdlalo lo ulandela ukuvuka nokuwa kobukhosi bakwa-Matlou obunamandla, lapho khona ilifa lakhiwe ngokukhohlisa, amandla kanye nokurhorhana komndeni.

Abalandeli balinde ukubona u Oratile Mmola ku Bogaditšong: The Sister Wives ngamehlo abovu.