U Thandiswa ukhuluma ngobuhlungu adlule kibo unyaka lo

U Thandiswa Mazwai oneminyaka ematjhumi amahlanu (50), ukhulume ngobunzima adlule kibo eenyangeni ezidlulileko enyakeni ka 2026.

U Mazwai uvume bona unyaka lo bewunzima begodu nasemoyeni akhange kube mnandi.

Umvumi u Mazwai uthi okhunye ahlangabezene nakho okwamdisela emoyeni ku lokha udadwabo azakungena esbhedlela.

Ibangelo yokobana uNtsiki Mazwai aphuthunyiselwe esbhedlela yi Malaria. 

Uthi okhunye okumehleleko eenyangeni ezintathu zo nyaka lo, ku loba abantu abathathu abegade asondelene nabo.

U Mazwai onephimbo elithandwa babantu benarheni le uthi umntwana wakwabo (nephew) wabulawa embedeni ekhabo.

Wathi godu enyangeni ka Ntaka, u Ntsiki Mazwai ongudadwabo wangena esibhedlela.

U Mazwai uthi ngemva kweenyanga ezimbili u Maria McLoy waba tjhiya ephasini kanye no Malume wakhe okunguye yena yedwa.

U Thandiswa Mazwai wabeka koke eqadi, okuhlangana nokugidinga ukuhlanganisa iminyaka eyi-50 kanye namakhambo agade awahlelile. 

Lokho uthi bekenzela bona  atjheje umndeni wakhe begodu naye akwazi ukululama emoyeni.

“Akuna kugidinga iminyaka eyi-50, akunamakhabo nje ngoba bengihlelile, yihliziyo ebuhlungu yodwa,” kwatjho uThandiswa Mazwai.