Ohlukene nomkakhe ugidinga ipumelelo emsebenzini wakhe
U Mnqobi Shoba ugidinga ipumelelo yakhe ekulu kwezomsebenzi hlangana kweenkinga zakhe nomkakhe ahlukene naye.
Umvumi u Shoba uhlangabezana neentjhijilo ezifana no ku hlukana kwakhe nomkakhe u Phumeza Mdabe, kanye nepi yesondlo.
Kunokuthi u Shoba aqalane neenkinga zakhe, umvumi lo ukhethe ukugidinga isinyathelo esikhulu asithetheko emsebenzini wakhe.U Mvumi lo nomkakhe ahlukene naye owaziwa kumabonakude, bakhulunywa ngapha-nangapha ngokuhlukana kwabo.
U Phumeza, ufake isibawo sesondlo (spousal maintenance) esibizako kanye nemali yokondla abentwana babo ababili.
Ngaphandle kwe tjisakalelo abantu abanayo ngeendaba zalaba ababili, u Shoba akhange avume ukubeka umbono wakhe eendabezi zakhe nomndeni wakhe eenkundleni zokuthintana.
Ngomvulo ngomhlaka 25 Meyi 2026, u Shoba ufake iinthombe nama vidiyo womsebenzi ka Black Coffee e London 02 Arena.Kulapho u Shoba ahlangane no Black Coffee kanye no Thandukwazi “Demor” Sikhosana, bavusulula isqhema sabo somvumo i SHANA.
Laba abathathu bavume ingoma ye Khanya phambili kwabantu abanengi.Ngemva kwamalanga ambalwa, waqhubeka ne khambo lakhe la ngaphetjheya.
Uvele e Café Mambo ngo Losibili, ngomhlaka 26 Meyi 2026.Indawo le eyazakala khulu iveze umvumi lo ku vidiyo avuma iingoma zakhe, begodu bakhuluma nangomdlandla awulethe endaweni leyo.
