U Mihlali Ndamase ubethe istina wazitholela umdlali webholo erarhwako

U Mihlali Ndamase oneminyaka ematjhumi amathathu (30), ukhulunywa ngapha-nangapha eenkundleni zokuthintana ngemva kokuvela kweendaba zomjolo wakhe.

Kuvele bonyana u Ndamase sekazithola esfubeni sendoda ye Nigeria, u Toluwalase Arokodare (27), odlalela isqhema se ‘Wolverhampton Wanderers’ ebholweni erarhwako.

U Musa Khawula otlola iindaba ngabosaziwako uthi u Ndamase wenze adume ngazo, wabetha u Pam Mlunjwana oneminyaka eyi-38 ngestina.

Iinsolo zokujola kwabo zithome ngonyaka ka 2024 ngemva kokobana u Mihlali Ndamase atlole ukuthi “Congratulations my love”.

Kuthiwa u Arokodare walandula ubudlelwano bakhe no Ndamase ngelokuthi yena akanamuntu begodu wathi lokhu okutlolwe ngaye akusilo iqiniso.

Ngaphambilini, u Ndamase wazwana no Leroy Sidambe obegade atjhade no Mary-Jane Sidambe ngalesoskhathi.

Nakhona lapho u Ndamase wadlula ngestina.U Mihlali kanye no Leroy bazwana kusuka kunyaka ka 2022 ukufikela enyakeni ka 2024.

Abalandeli baka Musa Khawula baphawule embikweni lo ekhasini lakhe le X.”Uhlala eba amadoda wabantu,” kwatlola u @IrisJulianne.