UGabisile ulungiselela ukunyakazisa izinto ku-Inimba Season 2

Umlingisi uGabisile Tshabalala uzilungiselela ukunyakazisa izinto. Umlingisi oneminyaka ema-33 lo, uvela eSoshanguve, eTshwane.

Begodu ngomunye weenkanyezi ezitjha ezijoyina abalingisi be-telenovela ethandwa khulu ku-Mzansi Magic i-Inimba Season 2.

Uzokudlala indima kaThokozile, umuntu okhuluma ngokukhululekileko. Ababukeli bazokubona uThokozile ngoMvulo, ngomhlaka 3 Rhoboyi, nakabuyela ekhaya emva kokuphela kobudlelwano bakhe nendoda yakhe etjhayela amathraga.

Emva kokumotjha iminyaka abalekela izinto ekumele azenze, uThokozile uzithola abuyela epilweni kadadwabo omncani uZethu, (odlalwa nguMpumie Khuzwayo), kanye nomamabo.

FUNDA NALOKHU: https://ilangabinews.co.za/ikhambo-lakamatsheliso-ku-married-at-first-sight-season-3/

Lokhu kwenzeka ngesikhathi uZethu alungiselela ukuba ngumama.UGabisile waziwa ngezinye zeendima ezikulu emkhakheni wezokulingisa. Uvele emidlalweni efana ne-Hola Mpinji, Scandal!, ne-The Black Door, kanye nezinye.

UGasibile ukhuluma ngendima yakhe etja, wathi udoswe yindima kaThokozile ngombana akasabi litho.

“Ngithanda ngendlela akhululeke ngakhona. Ukhuluma izinto aziqabangako begodu utjho nezinto esisaba ukuzikhuluma.

Epilweni yamarerhe angikwazi ukuhlala nginjalo, kumnandi ukudlala indima yomuntu okhuluma iqiniso,” kwaveza uGabisile.