URachel noLeeto baphehla ipi yemindeni engathelelani amanzi ngokujola

Ababukeli be-Skeem Saam bamangalele abalingisi abathandwako uRachel Kunutu  noLeeto Maputla  nabathoma indaba zabo zomjolo. 

Okhulumela iindaba zakumabonakude uJabu MacDonald uqinisekise ekhasini lakhe le-X(Twitter) bonyana uLeeto (odlalwa nguEric Macheru) noRachel bayajola.

“Ipi yeminyaka ema-15 phakathi kwabantu bakwaMaputla nebakwaKunutu isesekude nokuphela,”kwatlola uMacDonald.

“I-Skeem Saam asisazi bonyana senzeni nge-‘script’ ngombana akunakuthi bangahlangisa uLeeto no Rachel ukuthi babephakathi kobudlelwano.” Kwaphawula u @MosimaGlory.

Abalandeli abanengi bakhombisa ukuzwana nendaba yomjolo kaLeeto noRachel.

Kodwana abanye baveza ukuthukwa ukuthi imindeni yabo, khulukhulu uMeikie uzozizwa  njani ngendaba le njengoba imindeni emibili le ingathelelani amanzi.

Indima ka Rachel Kunutu edlalwa nguLesego Marakalla yabuyiswa emdlalweni we-Skeem Saam ngonyaka ka 2025 emva kokunyamalala ngonyaka ka-2020 ngoMngwengweni. 

Okwabanga bonyana imindeni emibili le bonyana ingathelelani amanzi kudlula ephasini kukaBen Kunutu obegade angubaba kaRachel noMahlatse, begodu angumlingani kaCelia.

Kanti-ke ibangelo yengozi yekoloyi leyo bekunguThabo Maputla noZamokuhle Seakamela. 

Laba ababili bebadakiwe nabazakutjhayisa uBen Kunutu, obekazokuba ngudorhodere, kodwana kwatjhabala koke lokhu nomdeni waloba koke. 

UCelia wasala anganamsebenzi, begodu anabantwana ababili abangafundi. 

Ubuhlungu nokulahlekelwa lokhu kwabanga inzondo ekulu phakathi komuzi wakwaKunutu newakwaMaputla.