Uhlaselwe ngokuthatha ihlangothi la ka Bonko Khoza

U Lerato Mvelase ongumlingisi kumabonakude ukhiphe okusesifubeni sakhe ngemva kokuhlaselwa ngokuseka u Bonko Khoza.

U Mvelase useke umlingisi we Red Ink u Bonko Khoza eenkundleni zokuthintana ngesibindi.

Lokhu kuza ngemva kokobana obegade asebenza kanye naye ku Red Ink, u Nirvana Nokwe amusole ngo ku munyukubeza ngokomseme.

U Khoza uthe ngokukhipha istatimende aveza ihlangothi lakhe lezinto mayelana neensolo, u Mvelase kanye nabanye abafazi emkhakheni wokulingisa bamuseka.

U Mvelase akhange athintwe mibono yabantu eenkundeli zokuthintana mayelana nehlangothi akhethe ukujama nalo.

Ngo Losibili, 19 Mrhayili 2026, u Mvelase utlole ku Instagram wathi ngathi u Zimu angapholisa abantu bakhe.

Ngo Losithathu, utlole godu ngesibindi wathi umuntu akubekhona into ayijamelako, kodwana akaqinisekise bonyana kuliqiniso.

Abantu baphendulile ku Instagram, omunye wabalandeli bakhe uthi angakhetha ukukholwa ungazimbi kunokuthi akholelwe umsolwa weqala elifana naleli.

Uthe godu angakhetha ukuthula nangabe akanaso isiqiniseko sezinto ekangasi bufakazi bazo.

Omunye ujamele u Mvelase ngokuthi lesi sikhumbuzo ebantwini bonyana bangakhetha lokho abafuna ukukukholwa.

Umlandeli lo uthe uMvelase akakolodi muntu litho, watjho bonyana angenza lokho abona kumlungele.

I Bomb Production, ekhiqize umdlalo we Red Ink kumabonakude, iveze ikambiso ethethweko ukufunisisa ngeensolo ezenze ngu Nokwe ngesikhathi baqopha iscephu endaweni yokudlala.

Baveze bona iphenyo labo langaphakathi ligcine ngokuthi akhange bathole ubufakazi obaneleko bokuthi liqhubeke.