UCassper Nyovest utlola umlayezo wokutjhiriya emndenini ka Luqobo Bibo

Umvumi wengoma ezidumileko zeHip-Hop uCassper Nyovest ukhulume ngokudlula ephasini kukaLuqobo Bibo Makwedini.

UCassper Nyovest wabelana ngomlayezo wokududuza ku-X (Twitter) owenze nabalandeli batlhuwe ukuyaphambili.

Umvumi wengoma ye ‘Root of All Evil’ ungene eenkundleni zokuthintana watlhuwa ngokudlula komdlali we-Rugby obegade anerhono nekusasa elithembisako.

Umlayezo kaCassper Nyovest ubonise amatlhuwiso ngathi ulahlekelwa mumuntu oseduze naye.

Amezwi wakhe athinte abalandeli bakhe khulu, labo abamazi njengomuntu ohlala akhombisa ihliziyo yakhe pepenene.

“The news of that “Felicia” kid also mad sad man. Death not be proud. He was such a vibe. Condolences to his family,” kwatlola umvumi lo.

Iindaba zokudlula ephasini kwakaMakwedini obegade aneminyaka ematjhumi amabili (20), zirhatjheke kuzo zoke iinkundla zokuthintana, nabantu abanengi bathumele imilayezo yokududuza umndeni wakhe.

“Igama lakhe nguLuqobo Bibo Makwedini, ihliziyo yami idabukile😢,” kwaveza u @ImiCulate.

UMakwedini udlule ephasini asenarheni yeFrance, lapho khona begade adlalela isqhema seRugby eFrance esibizwa nge-AS Béziers Hérault.

Kubikiwe ukuthi wawa begodu wadlula ephasini emva kwe-‘training session’.