Umnyanya ka MySol wodumo usese sematheni

Ibizo laka MySol litjharaganise abantu abanengi enkundleni zokuthintana ngemva komnyanya awenzileko wokugidinga ilanga lakhe lamabeletho .

U MySol ibizo lakhe lamambala ngu Solly Soka Madibela. Ungu somarhwebo wedumo kwezama mayini we-Platinum eSewula Africa.

Kwenye i-Vidiyo ebonakale ku Tiktok, uMySol uvula ikoloyi yakhe etja yamabayibayi.

Ikoloyi leyo ibizwa ngokuthi yi 1of 1 Rolls-Royce Brabus, ekungiyo yodwa eyenzelwe yena ngendlela yakhe ephasini-mazombe.

Uvula ikololoyi etja nje, uvula nesthabathaba somuzi, eClifton, eCape Town. Banengi abosaziwako ababonakale emnyanyengi wokukhula kuka MySol.

Ababonakeleko ngu Sjava, iNtaba yase Dubai, Mindo The Vocalist, uBabalwa M kanye no Penny Ntuli.

U Penny Ntuli ubegade ayi MC emnyanyeni omkhulu ka MySol.Umrhatjhi wedumo nothandiwa khulu enarheni, ubegade arhatjha eGagasi FM ngaphambilini.

Uveze amazizo wakhe ngokuba yincenye yabantu abagidinge ilanga lamabeletho la ka MySol.

U Penny Ntuli oneminyaka ematjhumi amabili nalithoba uvulele i Daily Sun isfuba. Uveze bonyana umnyanya wokukhula kwaka MySol bewuhlangene nomnyanya wokuvula indlu yakhe yesthabathaba.

Uvumile godu ku Daily Sun bonyana bekamangele nakezwa bonyana nguye okhethiweko ukuthi azokukhambisa umnyanya lo kubo boke abantu.

U Ntuli wakhuluma ngeentjhijilo nokukhula kwakhe ngaphambilini, ngemva kokuhlehlela emuva emkhakheni wokulingisa eSewula Afrika.

Umrhatjhi wedumo uthi zikhona izinto azilemukileko ngomnyanya wokungidinga ilanga lamabeletho ka somarhwebo lo.