UScebi udlula ephasini ngaphambi kokufezekisa amabhudango!

Ikosi yomvumo we-maskandi uScebi Dlamini bekasalele ziimveke ezimbalwa ngaphambi kokobana aqede ukwakha isthabathaba sakhe sendlu. 

Godu bekasele aseduze nokutjhada isthandwa sakhe, kodwana ngebhadi akhange kwenzeke lokho njengoba adlule ephasini ngengozi yekoloyi eKZN.

UScebi, owaziwa nangebizo laka”Inkos’yamagcokama”, udlule ephasini ngaphambi kokufezekisa amabhudango wakhe. 

Ngokuya ngomndeni wakhe, uScebi obegade aneminyaka ema-29 bekasemaphethelweni wokwakha indlu yakhe. 

Indlu leyo yakhiwe eduze nekhaya labazali bakhe eMsinga, eMidlands, esfundeni saKwaZulu Natal.

Bekasahlala ekhabo nomfazi wakhe obegade ahlele ukumtjhada nasele baqeda ukwakha indlu yabo. 

Umndeni wakwaDlamini, i-Ivulandlela Holdings, kanye ne-Sicelu Collective MGMT bakhiphe isitatimende esisemthethweni ngoSondo, ngomhlaka 9 Rhoboyi 2026, baqinisekisa ukudlula ephasini kwakhe ngengozi yekoloyi.

Baveza esitatimendeni bonyana uInkosi Yamagcokama udlule ephasini endleleni ye-John Ross Highway eduze kweRichards Bay. 

Bekasendleleni eya ukuyokuvuma e-Basadi Let’s Dance Music Festival, ebeyibanjelwe e-Umhlathuze Sports Complex eRichards Bay.

Bekangakhambi yedwa, ilunga lesqhema sakhe uGumu “Gupta” Mchunu naye udlulile ephasini ngengozi yekoloyi emasikizi le.

UScebi uzokubulungwa ekhabo eMsinga, ngoMgqibelo ngomhlaka 15 Rhoboyi 2026.

Isthombe: Daily Sun