UDJ Lamiez Holworthy uveze iqiniso ngemva kobungozi bezepilo obumfake esibhedlela

UDJ Lamiez Holworthy, uveze imininingwana yomraro wepilo owamenza waginyiselwa esibhedlela.

Abalandeli bakhe bathuthumela nakatjhiyana nemisebenzi yakhe begodu athwalwe ngokurhabako ngomhlaka 9 Rhoboyi, okwavusa ukutshwenyeka ebantwini abanengi.

Isqhema salhe sokuphatha lakhipha isitatimende esaqinisekisa bona ungeniswe esibhedlela ayokuhlinzwa ngokurhabako, begodu isimo sakhe sizinzile.

Ngokukhamba kwesikhathi, ngomhlaka26 Rhoboyi, uLamiez wafaka ividiyo ekhasini lakhe le-Instagram ekhombisa umsebenzi wakhe wokugcina, amalanga wakhe esibhedlela, nokuvakatjhelwa mndeni.

Kuleyo vidiyo, uphikise amabatjho wokuthi bekagula ngebanga le-BBL.

Uthe begade ahlangabezana nama-ovarian cysts abuyako, begodu enye yadabukela ngaphakathi yamenza wopha ngaphakathi emzimbeni.

Uhlathulule wathi: “Sathola bona bengine-cyst ekhulileko, begodu bezimbili. Enye yadabukela ngaphakathi yangilethela ubuhlungu obukhulu.”

Uthe udorhodera wakhe wabawa bonyana ahlinzwe msinyana, kodwana wakhetha ukubambelela emisebenzini eli-11 ayesele ayithembisile.

FUNDA NALOKHU: https://ilangabinews.co.za/pheze-ngafa-ulamiez-ukhuluma-ngokugijinyiselwa-esibhedlela/

NgoSondo, ngemva kokuphothula umdlalo wokuthoma, sekusele imizuzu eli-7 ukuya kowesibili, wahlaselwa buhlungu, wahlanza, begodu walila kabuhlungu.

Ngemva kwalokho abpdorhodere bathola amanye ama-cysts, ngamuva kwavela bonyana yi-endometriosis.

Ubuye wathi emuva kwama-iri ambalwa wabuyiselwa e-ER ngebanga lokopha ngaphakathi, walahlekelwa ligazi elinengi begodu kwadingeka i-blood transfusion.

“Ngitjho sengisondele ekulahlekelweni yipilo yami ngombana ngibeke umsebenzi phambili.”

Waphinda waqinisekisa bona i-liposuction ne-body sculpting azenza ngo-2021 akhange zibe nomthelela.