I-Mapungubwe: Ilifa lombuso wekadeni nehlathi lefihlo yeLimpopo

I-Mapungubwe National Park ne-World Heritage Site yindawo ehlonitjhwa khulu eLimpopo, eduze kwe-Alldays neMusina.

Indawo le ilungele abathanda iinlwana, abatlhogomela iinyoni, nabafuna ukuthula nokwazi ngomlando weSewula Afrikha.

Umkhathi wayo uthulile kodwana ugcwele amava angakavami, okwenza ukuvakatjha kube yinto ekhumbuleka isikhathi eside.

Ngokomlando, i-Mapungubwe Hill yaba sisekelo sombuso wekadeni phakathi konyaka ka-1200 no-1290 AD.

Lokhu kwaba ngombana “kwavela umbuso wekadeni weAfrikha eSewula Afrikha,” owakhula ngokuthengiselana namasiko wepumalanga afana ne-China ne-India.

FUNDA NALOKHU: https://ilangabinews.co.za/icape-floral-kingdom-igugu-lemvelo-elincani-kodwana-elikhulu-ephasini/

Ukukhuphuka nokwehla kwesitjhaba lesi kwenzeka eminyakeni engaphezu kwe-700 edlulileko, kutjhiya ilifa eliqakathekileko.

Abahloli bebhoduluko bathola iGolden Rhino edumileko kanye nobunye ubufakazi obutjengisa umbuso onothileko weAfrikha.

Namhlanje, iphaka isagqina umuzwa welifa lelo ngokubeka phambili amasayithi welifa lamasiko, iindawo zoqala ezihle, kanye neendawo zemvelo ezihlukeneko ezihlanganisa umlando nemvelo ngendlela ehlanganako.

Ngaphandle komlando, i-Mapungubwe ilikhaya leendlovu, amahlosi (leopards), neenyoni ezinengi.

Kuthiwa epakheni kunemihlobo yeenlwana ezima-25 nemihlobo yeenyoni ezi-447.

Iimvakatjhi zingenza i-birding, ama-bush braais, zivakatjhe ama-confluence viewing decks nendawo ye-picnic, zibuye zithathe ama-drive abhadelelwako wekuseni, wokutjhona kwelanga nowebusuku, kanye namakhambo wokukhamba ngeenyawo.

Indawo le ihlotjiswe mahlathi asemilanjeni, amadwala amade, nalapho kuhlangana khona iLimpopo neShashe.

Iimvakatjhi kufuze zazi bona i-Leokwe Camp ne-Mazhou Campsite ziqalelwe ukulungiswa, begodu iphaka ingaphakathi kwendawo enengozi ye-malaria; kungakho kuqakathekile ukubonisana nabodorhodere ngaphambi kwekhambo.