USol Phenduka akanalo izwelo kuNdodana Tshuma oqalene nokubulala

Umrhatjhi USol Phenduka akhange afune ukuba nomusa kuNdodana Tshuma oqalene nokubulala.

Lokhu kuvela ngemva kokurhatjheka kwevidiyo kaTshuma eenkundleni zokuthintana lapho khona bekabonakala ezwa ubuhlungu emoyeni, begodu athinteke nangokomkhumbulo.

Ividiyo leyo, yathwetjulwa ngomhlaka 13 Velabahlinze 2026, lapho ivezela ubuso bakhe eduze.

Yaveza lokho abantu abanengi abakuhlathulule njengobuso bomuntu ozwa ubuhlungu njengoba bebuneenyembezi. 

Umlayezo okhambisana ne vidiyo le watlolwa wathi “Indoda ephukileko, ubuso bakhe bukhuluma koke.”

Ngokuya kweBriefly News, USol Phenduka waphendula ngokukwata nakathi: “Uphukile kodwana uyaphila, akufani nomkakhe nabantwana bakhe.”

UTshuma sisakhamuzi se-United Kingdom esifunwa khona ngenarheni leyo ngecala lokubulala umkakhe nabantwana bakhe ababili. 

Kuthiwa emveni kokuthi enze lokhu,  umsolwa wabalekela eSewula Afrikha, lapho atholakele khona begodu wabanjwa mapholisa waseJohannesburg.

Njenganje, ukhona usabanjelwe enarheni le  njengoba iimphathimandla zisebenza ngamandla ukuqedelela ikambiso yokumbuyisela e-UK.

FUNDA NALOKHU: https://ilangabinews.co.za/iphenyo-ngokuhlongakala-kukagcina-dhladhla-liragela-phambili/

Ukuvela kwakhe kokuthoma eKhotho kaMarhastrada yeJohannesburg kwamdosela amehlo wabantu.

Ngesikhathi sekambiso, urhulumente wabawa ukuhlehliswa kwecala ukobana kuqinisekiswe isimo sakaTshuma sokufudukela eSewula Afrikha.

Icala lakhe lahlehliselwa ngomhlaka 22 Velabahlinze 2026.

Kubonakala bonyana, nanoma i-UK imfunela icala lokubulala, amacala aqalene nawo eSewula Afrikha ahlobene nokuba  nesigidi esingekho emthethweni.

Isthombe: eNCA