I-Wedding Chefs ibuya ngesizini yesibili

Abapheki abasakhasako abama-26 bazokuphalisana ngesihloko esifiswako se-Ultimate Wedding Chef ku-Wedding Chefs ngesizini yesibili.

Ihlelo elivela ku-SABC 1 libuye ngoSondo ngomhlaka 6 Khukhulamungu 2026, ngo-6 ntambama.

Begodu kunephaneli yamajaji asezingeni eliphezulu anikezwe umsebenzi wokukhetha abazokungenela iphaliswano ehlelweni leli.

Iphaliswano livulwa ngompheki odumileko u-The Funny Chef, uLebogang Tlokana, uChef Dede, kanye noTebogo Trevor Mmatli.

Bazokukhetha abapheki abasakhasako abama-26 abazokuthola isikhundla ekitjhini le-Wedding Chefs.

Kusukela esiqetjhaneni sesibili (2) ukuya kwesethoba (9) abapheki abangenela ihlelo leli bazokuqalana nokugqekwa khulu, okuvela kunthandani ezithembisene umendo.

FUNDA NALOKHU: https://ilangabinews.co.za/i-married-at-first-sight-sa-iyasitjela-na-ngeqiniso-ngokuthandana-kwanamhlanje/

Qobe-veke, iinthandani ezihlukileko zizokwabelana ngekhambo labo lothando, amasiko wesiNtu, okuthandwa ngibo kanye nebhudango namkha iimfiso zabo ngelanga labo elikhulu.

Abapheki kufanele batjhugulule iimfiso zeenthandani zobonakale ekudleni ebazokupheka ukwenzela ukuthola iskhundla kumamenyu womtjhado wabo.

U-The Funny Chef no-Chef Dede bazokubuya, ukuhlola ikghono labo lobuchwephetjhe, ubuhlakani kanye nombono wabo wokupheka.

Ekugqineni, ihlelo leli elithulwa nguSipho “Alphi” Mkhwanazi lizokuphela ngoyedwa othumbako.