Sekuvele elinye ihlangothi endabeni ka Nokwe-Mseleku no Khoza

Obegade aphethe u Nirvana Nokwe-Mseleku ngaphambilini uze ngaphambili ngehlangothi lakhe ngalokho okwenzakalele u Nokwe-Mseleku.

U Nokwe-Mseleku obegade alingisa emdlalweni wa kumabonakude i Red Ink usolele u Bonko Khoza ngokumnyukubeza ngokomseme.

Nanyana kunjalo, abantu abanengi kuwo umkhamkha wokulingisa bazikhethele amahlangothi abawakholwako phakathi ku ka Nokwe-Mseleku kanye no Khoza.

I Bomb Production iveze bonyana bathethe amagadango wokufunisisa ngeensolo ezilethwa ngu Nokwe-Mseleku.

Iinsolo lezi zivela ngokwenzeka ngesikhathi bagadangisa isicephu somdlalo lo endaweni ebadlalela kiyo kumabonakude.

Iphenyo labo ligcine ngokuthi akhange bathole ubufakazi obaneleko bokuthi iqala liqhubeke.

Manje, u Michael K Fisher, obegade aphethe u Nokwe-Mseleku uyakuphikisa lokho.

Omunye wabantu abasebenzisa i X (Twitter) u @MaDhlomo_ uveze isithombe ekhasini lakhe lapho khona uFisher atlole bonyana unalo ilwazi ngalokho okwenzakalako ngendaba le.

Emtlolweni wakhe, uveza bonyana nje ngabaphathi bakhe, bahlolisisise boke ubufakazi ebabutholako.

U Fisher wathi lokho kufaka hlangana umlayezo owathunyelwa ku Nokwe-Mseleku obuya emntwini oseskhundleni sokuphatha obegade akhona nakugadangiswa umdlalo loyo.

Uthi umlayezo loyo uveze bonyana u Nokwe-Mseleku waqalana nabo ubujamo bokuphathwa ngendlela engakalungi.