I ‘baby daddy’ ka Blue Mbombo iphule umthetho we-protection order

Kuthiwa u Azul Thandi Mbombo, owaziwa ngelaka Blue Mbombo eenkundleni zokuthintana uvulele ubaba wontwana wakhe iqala.

Ikanyezi yaku mabonakude beyikhulunywa ngapha nangapha, eenkundleni zokuthintana nge hlangahlangano phakathi kwakhe nesokana lakhe langaphambili.

Ngomhlaka 31 Mrhayili 2026, imitlolo yomthetho ‘legal documents’ ebegade iveza izehlakalo ezithusako zokuhlukwenzwa ngo kwezemali, emoyeni kanye nenyameni zavela pepenene.

Nanje, iindaba zeenthandani zangaphambili zisese sematheni nje ngoba u Blue Mbombo avulele ubaba womntwanakhe i-protection order.

Ngokuya kombiko we Africa Daily, ubaba lomntwana ka Blue Mbombo uphule umthetho we-protection order.

Kuthiwa ngokombiko lo, u Blue Mbombo kanye nesisebenzi sakhe bakhambe bayokulanda umntwana wakhe ku babakhe.

Kodwana kulapho kwathoma khona ikinga nakathuma isisebenzi sakhe bonyana sibuyele silande iimpahla ezitjha zomntwana.

Kubikwa bonyana ubaba lomntwana wathumela i-email ethusako ku Mbombo, wasolwa ngokuhlumeza okugcine kuphula umthetho we-protection order. 

Lokhu kubalengele bonyana agqine sekazithola alilelwa ziinsimbi begodu avela ne khotho ngomhlaka 1 Mngwengweni 2026.

Iqala lisazokuphenywa ukuya phambili.

“Ngo Rhoboyi 2020, ngazithwala ngomntwana we-Respondent. Wangithusela ngesisu lesi wagqina wangikatelela bonyana ngirhulule umbungu (terminate), nokuthi ngingatjeli muntu ngalokho.

Indlela enze ngayo yenze ngasaba. Ngokusaba lokhu ngavuma,” iincwadi zamaphepha zafunda njalo.