I-Gagazi FM inyakazisa umrhatjho ngamatjhuguluko amatjha

I-Gagasi FM ithuse abaleli bayo ngetjhuguluko ebelingakalindelwa emahlelweni wayo alalelwa khulu. 

Umrhatjho oseThekwini esifundeni saKwazulu Natal, umemezele amatjhuguluko amakhulu ngoLosihlanu, ngomhlaka 31 Velabahlinze. 

Amahlelo wabo amabili wekuseni nentambama azokuthinteka.

Ngesenzo esingakalindeleki, umrhatjho we-Gagasi FM utjhugulule abafazi ababili abathula amahlelo.

USelby “Selbeyonce” Mkhize uyasuka ehlelweni lantambama, ebegade alirhatjha kanye no-SPHEctacula no-DJ Naves.

Nje uzokurhatjha ihlelo lekuseni kanye noFelix Hlophe.

FUNDA NALOKHU: https://ilangabinews.co.za/ugabisile-ulungiselela-ukunyakazisa-izinto-ku-inimba-season-2/

UMinnie Ntuli yena uphuma ehlelweni lekuseni emva kweminyaka emine abesenza noFelix.  

Uzokujoyina u-SPHEctacula no-DJ Naves ehlelweni lentambama.

Ngokuya kweDaily Sun, amatjhuguluko la azokuthoma ngomhlaka 3 Rhoboyi 2026.

UAlex Mthiyane oyiHloko yokuThabisa abalaleli ku-Gagasi FM umemezele bonyana abarhatjhi behlelo le-Umsindo Takeover, uSphokuhle noMkay Music, bazokujoyinwa ngu-Ashay Sewlall obegade angenelele i-Big Brother Mzansi, ngaboMgqibelo.