Ubuye nge ngoma etjhisa bhe!

Ngemva kwesikhathi eside, Umvumi no gida kamnandi ubuyile emkhakheni womvumo ngokungakalindeleki.

Ngokuya kwe athikili etlolwe ngu Joy Mphande we TshisaLive, u Chomee ‘Thulisile Madihlaba’ ovuma umvumo we Kwaito ubuyile emkhakheni womvumo.

U Chomee ubuye nge ngoma yakhe etjhisa bhe i Tjovitjo (Bafana is Back) ngeskhathi se World Cup yonyaka lo.

U Chomee usebenzisene no Arthur Mafokate oyikosi yomvumo we Kwaito ukukhipha ingoma etja ye 2026 FIFA World Cup okuyi ngoma yesitjhaba.

I vidiyo yengoma ka Chomee iphekelelwa mdlandla wokugida aziwa khulu ngawo, kanye nemifanekiso eveza isiko le bholo erarhwako ye Sewula Afrika.

U Chomee utjele i TimesLive bonyana lesi sikhathi esizwakala ngathi ubuyela ekhaya.

Uthe unyamalale isikhathi eside emkhakheni womvumo, akhula begodu atjhuguluka, kodwana ukubuya kwakhe nge Tjovitjo kumenza azizwe anamandla.

Uhlathulule bonyana akusikho ukubuya kwakhe emkhakheni lo kuphela, kodwana kukubuya enhlizweni zabantu benarheni le.

Uthi lokhu kukubuya emandleni asesitradeni kanye nokubuya ethandweni labantu base Sewula Afrika abakhe bamkhombisa lona.

Utjhomi ubuye ngokubusa eengomeni esele zikhona zabanye abavumi.Abantu abanengi bakhuluma ngokuthi usebenzisa i-AI engomeni yakhe kanye naku vidiyo ekhambisana nayo.