Ikhambo lakaMatsheliso ku-‘Married At First Sight’ Season 3
UMatsheliso Maphutse uthe uvele njengoba anjalo, ngokungafihli litho ku-‘Married At First Sight Mzansi’ Season 3.
Nanoma ababukeli batshwenyekile ngebanga lokuthi uhlanganiswe noLesiba Tleane othanda ipilo yebusuku yokusela amatjwala.
Sesifinyelele eencetjhaneni ezine nje, begodu abantu sebanamathele ehlelweni leli.
Qobe ngoSondo ngo-6pm ku-Mzansi Magic, i-Connect TV ibonisa iinthandani ezihlanganiswe ehlelweni leli ezine ezilinga ukwakha umendo nabantu abangakhange bahlangane nabo ngaphambilini ngaphandle kwehlelo leli lomtjhado .
Iinthandani ezihlanganisiweko ehlelweni:
NguHlulani Ngobeni noNompumelelo Sobopha;
ULesiba Tleane noMatsheliso Maphutse;
UObren Masuku noLaurinda Mabunda;
UPrince Zwide Zwane kanye noEsethu Seku.
Phakathi kwabo abafazi behlelo le MAFSMzansi, uMatsheliso yitandokazi yabantu ngombana ukhuluma iqiniso begodu ukhululekile.
Ngaphambi kokuragela phambili kwe-season 3, uMatsheliso wakhuluma bonyana yini eyamenza wangenelela ihlelo leli, bekunjani ukuhlangana ku-althari nomuntu ebegade angamazi, nokuthi ihlelo leli liyitjhugulule njani ipilo yakhe.
Ngesikhathi uMatsheliso athoma ukubona umkhwenyana wakhe, uLesiba Tleane ku-althari, wavuma wathi ekuthomeni bekasaba, kodwana lokho kwaphela msinyana wakhululeka.
Nanoma kukhona itjhada elinengi elimzungezileko, uMatsheliso uthe i-Married At First Sight Mzansi imfundise okunengi okubalulekileko ngaye.
Ukuya phambili, uMatsheliso uqinisekise bonyana ababukeli bazokuzihlobanisa nekhambo lakhe noma lingaphela njani.
“Nanoma ngingathola umkhwenyana wami namkha ngifunde iimfundo zokuphila endleleni, into eyodwa eqinisekisiweko ngile- Ngizokuvela njengoba nginjalo ngaso soke isikhathi.”
