USiphesihle Vazi ujoyina i-Amalanga Awafani, uReginald Gumede uyabuya

Umdlalo ongena ku-SABC1, i-Amalanga Awafani ilethe umlingisi omutjha begodu ibuyise nomlingisi owaziwako.

Umlingisi uSiphesihle Vazi ujoyine abalingisi njengoDr Thokozane Jobe, begodu uMelusi Yeni ubuye njengoReginald Gumede.

UYeni ubuya emdlalweni we-Amalanga Awafani ngoLosithathu, ngomhlaka 19 Rhoboyi, njengoReginald, umlingisi owakholwakala bonyana ufile.

Ukubuya kwakhe kuletha imibuzo ngalokho okwenzekileko kuye nokuthi bekakuphi.

Ubuyela epilweni yomntwana wakhe neyomndeni wakwaDumas, okububanga ipi godu. 

UVazi yena ujoyina umdlalo we-Amalanga Awafani ngoMvulo, ngomhlaka 24 Rhoboyi, njengoDr Jobe. 

Umlingisi uthoma ukungena epilweni kaStha njengodorhodere wakhe ngaphambi kokobana ubudlelwane babo buthome.

UDr Jobe uhlathululwe njengomuntu ozithembileko, onamabhudango amakhulu begodu ozimisele nokuhlala alawula.

Nakakhuluma ngokujoyina i-Amalanga Awafani, uVazi uthi uzizwa abusisekile ukuba yingcenye yomndeni we-SABC1. 

Kusukela ngeenkhathi ze-Selimathunzi nokukhiqiza ihlelo le-She is DJ, kuze kufike namhlanje lapho angena emdlalweni othandwa khulu.

I-Season 2 ilandela iinkwekwezi ze-Maskandi ezimbili uSabelo newele lakhe uThembi, ngemva kokulahlekelwa ngiyo yoke into eNquthu, begodu bakateleka bonyana bathome phasi eJwanasbhegi. 

Umdlalo lo uragela phambili nokuphenya iintjhijilo zokwakha kabutjha iimpilo zabo.

Umdlalo we-Amalanga Awafani ungena ngoMvulo kufika ngoLosihlanu ngo 6:30 pm kuSABC1.