Ilanga lokubeka uSeputla Sebogodi endaweni yokuphumula liveziwe

Umkhakha wezokulingisa eSewula Afrikha ulungiselela ukuvalelisa umlingisi owaduma khulu uSeputla Sebogodi.

Amalanga wesikhumbuzo (memorial service) kanye yomngcwabo aqinisekisiwe. USeputla Sebogodi odlule ephasini aneminyaka ema-63, waziwa khulu ngaphambilini njengoKenneth Mashaba ku-Generations.

USebogodi udlule ephasini ngobusuku bangoLosithathu, 15 Velabahlinze 2026. Kanti-ke umndeni wakhe waqinisekisa ngaphambilini bonyana iinkinga zobulwelwe besigwiri ngizo ezabangela ukubhubha kwakhe.

Abangani, abalingisi, kanye namalunga womphakathi amukelekile ukuyokugidinga nabo ipilo yomlingisi lo, begodu nokuyombeka kanye nabo endaweni yakhe yokuphumula.

Ilanga lesikhumbuzo sokuthoma siyokubanjelwa e-State Theatre ePretoria ngoLosine ngomhlaka 23 Velabahlinze 2026 kusukela ngo 09:00 am.

Bese ilanga lesikhumbuzo sakhe sesibili sizokubanjwa ilanga elilandelako ngoLosihlanu ngomhlaka 24 Velabahlinze 2026 e-Jack Botes Hall ePolokwane, kusukela ngo 12:00 ukuya ku 18:00 entambama.

Ilanga lomngcwabo lingomhlaka 25 Velabahlinze 2026 ngoMgqibelo, elizokuba se-Jack Botes Hall ePolokwane esfundeni seLimpopo ukusukela ngo 09:00.