Ilanga lokuvalwa kweminyango yamabhizini wamaphandle liveziwe
Amaphandle angenarheni yeSewula Afrikha ngokungemthetho angeke asavumeleka bonyana aphathe amabhizinisi asakhasako enarheni le.
Lokhu kuvezwe ngu”Phakelumthakathi” Ndabandaba okhiphe ilanga langomhlaka 31 Velabahlinze 2026 bonyana bavale iminyango yamabhinizi wabo.
Uveze lokhu ekhasini lakhe le-X ngomhlaka 17 Velabahlinze 2026 bonyana amaphandle angenarheni le ngokungemthetho angekhe asakwazi ukuphatha ama-spaza shop kanye neentolo zokwenza iinhluthu eSewula Afrikha.
Isimemezelo lesi sivela ilanga linye ngemva komtjhagalo lapho uNdabandaba nebutho lakhe bebahlangene nabatjhayeli abangaphezu kwekhulu (100) beenkuta okulethwa ngazo ukudla/ipahla.
Lokhu bakwenzele bona baveze iinlilo zabo zokuthi kufanele bonyana amaSewula Afrikha kuthonywe ngawo naziza kumathuba wemisebenzi kanye namabhizinisi.
Ngalo ilanga lomtjhagalo, uNdabandaba wathumela isaziso sethuba lomsebenzi ku-X.
Wathi lokhu bekusibonelo salokho ibutho lakhe elingakwenza.
Utjhwile bonyana umtjhagalo nawungaragela phambili, kunerhonakalo yokuvuleka kwamathuba wemisebenzi eyi-1 million, ukurhelebha abantu abanengi beSewula Afrikha.
