Ipilisi le-HIV eliselwa kanye ngenyanga liletha ithemba, kodwana i-Afrikha kumele izibhadelele
ISewula Afrikha inekinga ekulu khulu yobulelwe beNtumbantonga emhlabeni.
Abantu abangaba ziingidi ezili-8.2 (8.2 million) enarheni le baphila nobulwele be-HIV, ngokuya kombiko we-UNAIDS.
Njalo ngonyaka, iinkulungwana zabantu zithola igcikwana, okwenza ukulikhandela kube ngenye yezinto ezibaluleke khulu kezepilo enarheni le.
IPhini likaNgqongqotjhe wezePilo uDr Joe Phaahla uthi iinarha ze-Afrikha azikwazi ukuragela phambili nokuzisama khulu kubaseki bangaphetjheya ukuze baseke imizamo wokulwa neNtumbantonga.
FUNDA NALOKHU: https://ilangabinews.co.za/ubiza-ukubuyiswa-kukadr-aaron-motsoaledi-ungqongqotjhe-wezangekhaya-waphambilini/
UDr Joe Phaahla uveze ku-International AIDS Conference yehlandla lama-26 ebegade ibanjelwe eRio de Janeiro, eBrazil, ukuthi iinarha kumele ziqalane nokubhadelela amahlelo wawo we-HIV.
I-conference le ihlanganise izazi zepilo, aborhulumende kanye nabaphenyi abavela eenarheni ezinengi ukuze kucocwe ngendlela yokuqeda iNtumbantonga eempilweni zemiphakathi eminengi.
Abajamele iinarha zabo baqale iindlela zokuthola ukusekwa ngezemmali, ukutholakala kokulatjhwa ngeendlela ezilula kanye neendlela ezitja zokukhandela ukusuleleka ngeNtumbantonga.
UPhaahla uthe ukuvinjwa kwesekelo lezemmali elivela kubasekeli beenarha zangaphetjheya kwenze kwabonakala kuhle bonyana iinarha ze-Afrikha kumele zizijamele.
Enye yezinto ezikhulunywe khulu ku-conference kube mutjhoga omutjha wokukhandela i-HIV obizwa ngokuthi yi-alimatravir.
I-alimatravir yakhelwe ukuthi ithathwe kanye ngenyanga.
Umtjhoga namkha ipilisi leli laziwa ngokuthi yi-pre-exposure prophylaxis (PrEP). I-PrEP isetjenziswa babantu abanganayo i-HIV kodwana abafuna ukuzivikela bonyana ingabasuleleka.
Ipilisi leli elithathwa kanye ngenyanga lingenza kube lula ebantwini abanengi abakhohlwa ukusela amapilisi qobe-langa.
Nokho, izazi zepilo zithi amaSewula Afrikha abangalindeli ukuthola umtjhoga lo okwanje.
Indaba epheleko ngeSingisi ku Scrolla.Africa
