Owalekelela u Nkosana Makate ngendleko zeqala umbuyisela eKhotho
U somarhwebo owalekelela u Nkosana Makete ekulweni ipi yakhe ne Vodacom eKhotho umvulele iqala lokwehlisa isthunzi.
Ibangelo yalokhu kukobana u Makete obegade alwa ipi ekulu ye Please Call Me ne Vodacom umbize ngesigebengu.
U Errol Elsdon obegade aphethe ikhamphani ye Black Rock Mining Ltd uthi utjele abameli bakhe bonyana bavulele u Makete iqala lokumuwisa isithunzi.
Lokhu kulandela ukusatjalaliswa kweentatimende ngomhlaka 7 Mngwengweni 2026, lapho khona u Makete bekaveza u Elsdon njengesigebengu.
Yoke ihlanga-hlangano le yenzeke emva kokobana u Makete ne Vodacom bafinyelele isiphetho ekupheleni konyaka ngo-2025.
Lapho khona bavumelene ngokwenza isivumelwano se nani le-R500 million ukufika ku R1 billion ngaphandle kweKhotho.
Ijikajika le phakathi kuka Makete ne Vodacom yadosa iminyaka eyi-18 yoke.
Ngaphambilini, u Makete obegade ayi ‘trainee accountant’ wafika nombono wokuthi ikhamphani ye Vodacom isungule i Please Call Me.
Umbono lo bewungewokwenza bonyana amakhasimende we Vodaco anganayo i-airtime bonyana akwazi ukuthumela umlayezo we Please Call Me.
U Makete watjhingisa I Vodacom eKhotho emva kokobana bahluleke ukumbhadela inani lemali alifunako.
IKhotho Yomthethosisekelo yathi u Makete akanikezwe imali emfaneleko.
Kodwana i Vodacom nayithi ingamunikeza i-R47 million, u Makete wayilandula ngokuthi ayaneli.
Nje, kunombango ka Makete ne Black Rock Mining. Bathi bona ngibo ebakhipha imali yokulekelela ngendleko zeqala.
Begodu benza isivumelwano ngonyaka ka 2011/2013 bonyana nangabe uthumba iqala leli kutjho bonyana I Black Rock Mining izokusikelwa i R40% emalini azoyithola.
