U Ntokozo no Nqubeko bakhumbula iinkathi zamzukwana

Umvumi we Gospel uNtokozo Mbambo ugidinga iminyaka ematjhumi nalithoba emendweni no Nqubeko Mbatha.

Iinthandani lezi zahlangana ngombana bobabili banethando lomvumo.

Ngokuya kwe athikili ye TimesLive, uMbatha no Mbambo bazikhumbuze ngeenkathi zabo zamzukwana ngemva kokuhlangana.

Ukugidinga uminyaka abayihlale emendweni, bathethe iinthombe zabo zamzukwana bazifaka eenkundleni zokuthintana, lapho khona bebavuma nesiqhema se Joyous Celebrations.

“Ngonyaka ka 2001, umntazinyana oneminyaka ematjhumi nahlanu wathatha is ithome nomsanyana, angazi bonyana uzakutjhugulula ipilo yakhe, angazi bonyana uzakutjhugulula ipilo yakhe unomphela,” kwatjho umtlolo othethwe ku-Instagram yabo bobabili.

“Bekangazi bonyana bekalihlelo elihle la ka Sonini ngepilo yakhe.

Bekangazi bonyana uzomtjela ukuthi uyamuthanda. Naye bekangazi bonyana uzamthatha nje ngomfazi wakhe eminyakeni emikhomba elandelako.

Bekangazi bonyana uzakuba ngubaba wabentwana bakhe.

UNGAFUNDA NALOKHU: https://ilangabinews.co.za/kugidingwa-ubukghwari-bukadorhodere-u-esther-mahlangu/

“Bekangazi bonyana uzakufeza amabhudango wakhe. Bekangazi bonyana uzakuba nesineke ngehliziyo yakhe. Bekangazi bonyana akekho ongamenza ahleke nje ngaye.

“Bekangazi, kodwana uZimu bekazi begodu wahlanganisa iinyawo zethu bonyana zikhambisane. Iminyaka ematjhumi nalithoba yomendo, kuzwakala ngathi uthando lethu khona lithomako.

Sikhule soke, begodu ngeke ngikhethe ngenye indlela. Uthando lami ngawe alinamuqa.

Langa elihle lesikhumbuzo somendo wethu mkhwenyana wobutjha basically. Ngiyathokoza Jesu ngokusigqina.”