U-Dolly Parton utjhiya ilifa elinamandla ephasini
Umvumi wehlobo lomvumo we-country music uDolly Parton, udlule ephasini aneminyaka ema-80 ngomhlaka 25 Rhoboyi.
Iindaba lezi zivela ngoBryan Seaver, umzukulwana wakhe (indodana kaCassie Parton), ngevidiyo ye-Instagram ejamela umndeni wakwaParton no-Owens.
UBryan Seaver uthe lokhu uthi uDolly, “uphile ekukhanyeni, gadesi usezandleni zakaJesu.”
UBryan ubuye wakhuluma ngobudlelwano bakhe noDolly Parton kusukela asesemncani, wathi uDolly uvulele umndeni namazizwana amanengi amathuba abangakhange bacabange ngawo.
Ngokwamezwi wakhe, “akhenge abone umnyango angekhe angawuvule,” begodu iminyango ayivulileko yatjhugulula umlando.
FUNDA NALOKHU: https://ilangabinews.co.za/abafazi-kufuze-bazibeke-phambili-ngeenhlolo-zepilo-ezisindisa-ipilo/
Umndeni uthe uzakusebenza ngokuzimisela ukuvikela ilifa lakhe.
Ngaphambi kokudlula ephasini, uDolly wavuma ukuthi bekaqalene neentjhijilo zepilo ngemva kokutjhiywa ngubaba wakwakhe, uCarl Thomas Dean, owadlula ephasini ngomhlaka 3 Ntaka 2025.
UDean lo, watjhada noDolly Parton ngoMrhayili 1966, begodu batjhade iminyaka pheze ibe ma-60.
UDolly watjho ngaphambilini wathi: “Nanyana ngiseselapha, ngisasebenza; ngisesenezinto ezinengi engisafuna ukuzenza.
Umsebenzi wakhe wadlala iminyaka eminengi: lapho khona kuthengiswe ama-albhamu angaphezu kwe-160 miliyoni, kusukela ku-Hello, I’m Dolly (1967), ukuya eengomeni ezifana no-Jolene, Joshua, Coat of Many Colors, 9 to 5 no-I Will Always Love You.
Wasebenzisana noPorter Wagoner, begodu ingoma leyo yabo yaduma khulukhulu ngemva kokurekhodwa nguWhitney Houston ku-The Bodyguard (1992).
Ngaphandle komvumo, uvele kuma-filimu afana no-9 to 5 noLily Tomlin noJane Fonda, The Best Little Whorehouse in Texas noBurt Reynolds, Rhinestone noSylvester Stallone, kanye noSteel Magnolias.
Wathumba unongorwana we-Emmy, ama-Grammy ali-11, wafakwa ku-Country Music Hall of Fame (1999) ne-Rock and Roll Hall of Fame (2022).
Ilifa lakhe liphila ngeDollywood, i-Imagination Library, nangobudlelwano bakhe noMiley Cyrus, Beyoncé kanye noSabrina Carpenter.
