Umthumbi we BBMzansi ukhipha ingoma etja

Ngo Mvulo ngomhlaka 1 Mngwengweni 2026, ikanyezi ye hlelo le Big Brother Mzansi iqinisekise ibizo kanye nomvumi azokusebenzisana naye engomeni yakhe ezako.

Umthumbi we Big Brother Mzansi Bazozwa u Liyema Pantsi uveze igadango lakhe elilandelako le ngoma yinye ngemva kokuthumba ehlelweni elidumileko la kumabonakude.

U Pantsi uqinisekise amalanga wokuphuma kwe ngoma yakhe yokuthoma, nokuthi uyokusebenzisana nomvumi omkhulu we Hip-Hop ngemva kokuvela ku Big Brother Mzansi Season 6.

Ngaphambi kokubuyela endlini ye Big Brother Mzansi, u Liyema Pantsi begade anekhambo lomvumo ebelisathomako.

Lafika esiphethweni, ngokukhitjhwa kwe ‘album’ yakhe yamathoma ngo Nobayeni 2024 kanye nokuvuma no Cici ku Love Tour yakhe e East London ngo Ntaka 2025.

U Liyema Pantsi ukhulume bonyana uzokukhipha ingoma yakhe yamathoma eenyangeni ezizako emva kokuthola imali yakhe yemitlomelo ku Big Brother Mzansi.

Ngomhlaka 1 Mngwengweni 2026, u Liyema utjengise abalandeli bakhe ekhasini lakhe le Instagram umfanekiso we khava yakhe ye ‘Single’ yesihloko esithi Lose Control.

Uthi usebenzisane no Simamane engomeni yakhe yomvumo we Pop ezokukhitjhwa ngo Losihlanu ngomhlaka 5 Mngwengweni 2026.