U Lerato Mokoka ubuya ku-TV ngendima etja ku-Isibhamu

U Lerato Mokoka obegade adlala indima ka Tshiamo ku Gomora ubuya kumabonakude ngomdlalo we Isibhamu.

Eminyakeni emibili edlulileko, u Mokoka bekaqalane nokutlola imidlalo yaku-TV nokuthuthukisa imibono emitjha.

Ubuyele ekulingiseni begodu udlala indima ka-Naledi Khoza, emdlalweni omutjha we-Mzansi Magic.

Emqoqiswaneni wakhe ne Sowetan, u Mokoka uveze bonyana abantu akhange bamkhohlwe u Tshiamo.

Nanoma besele kudlule unyaka umdlalo lo wapheliswa. Uvumile bonyana lokhu kwenze abone ukuthi i Gomora beyinomthelela omkhulu kangangani.

U Mokoka uthi iminyaka emihlanu wayiphila ngokusebenza kuphela. Waphundwa mitjhado kanye neminyanya yomndeni.

Into emsize khulu ngemva kokuphuma kumabonakude, uthi, budlelwano bakhe nabalingisi agade asebenza kanye nabo ku Gomora.

Okubalwa hlangana u Ama Qamata, Nandipha Khubone kanye no Siyasanga Papu.U Mokoka utjele i Sowetan bonyana kade afuna ukusebenza ‘behind the scenes’ ngombana ngilokho akufundeleko.

Uthi emva kwe-Gomora wabona ukubaluleka kokuzithuthukisa njengomtloli wemidlalo yaku-TV. Usebenze kumaprojekthi afana ne Obstruction ne Soft Life.

Begodu ihloso yakhe bekukuzithuthukisa njengomtloli wemidlalo yakumabonakude, ngaphambi kokobana abuye njengomlingisi.Funda indaba epheleleko ku sowetan.co.za