U Mpumelelo Mseleku ubange iinkulumo ezitjha zemijolo

Ikanyezi ye-reality TV u Mpumelelo “Sbindi” Mseleku ubange iinkulumo ezitjha zemijolo yakhe engapheli.

Lokhu kwenzeke ngemva kokufaka ividiyo yomuntu wengubo ongaziwako kuma-Instagram Stories wakhe.

Ikanyezi ye Izingane Zes’thembu ivame ukuthola ubudlelwano bakhe bufunisiswa babantu abathanda ihlelo leli kanye ne le Uthando Nes’thembu.

Njengo yise onabafazi abahlanu, uMusa Mseleku, naye u Mpumelelo wathatha indlela ayibone ku yise. Nokho, ikhambo lakhe le zemijolo akhange libe lula, linemiraro yalo.

U Mpumelelo nomkakhe, u Amahle Gasela, kuthiwa bahlukana phakathi kokulwa okuhlanganisa u mama ka Mpumelelo, u Nokukhanya “MaYeni” Mseleku.

U Mpumelelo no Amahle akhange baphume ngendaba yokuthi kwenzakalani ngobudlelwano babo. Kodwana abantu eenkundleni kokuthintana baragela phambili ngokufunisisa ngepilo yabo yangasese.

FUNDA NALOKHU: https://ilangabinews.co.za/sekuvele-isgaxa-esitjha-ngeenthandani-ze-country/

Ngomhlaka 10 Mngwengweni 2026, u Mpumelelo usabalalise i vidiyo yomuntu wengubo ebegade ayisabalalise ekhasini lakhe le Instagram.

Ku-clip efitjhani ye-selfie, uNosipho Ngcobo ubonakala ambethe ingwani ye-‘bucket hat’, aphethe nebhege.

U Sbindi usabalalise I vidiyo le kuma-Instagram Stories ekhasini lakhe, kwatjho ebantwini bonyana mhlawumbe kungaba mumuntu wakhe omutjha kwe zemijolo yakhe.