Ubange iinkulumo ngeenthombe zakhe ezinobungozi

Umrhatjhi no dume khulu ku mabonakude u Unathi Nkayi uveze iinthombe zakhe azithethe phambi kwe spili ekhasini lakhe le Instagram.

Esikhathini esinengi u Nkayi, obegade ayi jaji ehlweleni laku mabonakude i Idols South Africa uveza iinthombe kubalandeli bakhe ase jimini.

Ngemva kokusolelwa ngokubotjhelwa ukutjhayela aselile emalangeni adlulileko, u Nkayi ubuyile godu ukhulunywa ngapha-nangapha ngeenthombe zakhe eziveza ijamo lakhe.

Ngomhlaka 26 Meyi u Unathi Nkayi uvelile ekhasini lakhe lamambala laku Instagram, aveza iinthombe zakhe ahlezi embedeni angakambathi litho.

U Nkayi uveze bonyana uthethe iinthombe lezi e Africology Spa.

Uthi ngesikhathi esinye ekuvatjhakeni kwakhe uhlangane ne ndoda ebawe bonyana amlulekise ngeenhlangaso angazithengela umfazi wakhe.

U Nkayi uqhubeke nokuveza iinhlanganiso azithandako kuleyo indoda kanye nakwabanye abafuna ukuthenga okuthize e Africology Spa.

Lokhu ukwenzela bonyana arhelebha abobaba laba bonyana bathengele abantu ababathandako.

“Ngivakatjhele i @africologysa nomngani nge pelaveke, enye indoda ehloniphekileko beyilapho ithengela umfazi wayo izinto ezimbalwa.

Ubawe bonyana ngiveze ezinye zeenhlanganiso engizithandako ukwenzela bona akwazi ukutholela umfazi wakhe ngesinye isikhathi.

Nakhu baba, kanye nakwabanye abobaba ekuya ebantwini ababalulekileko eempilweni zenu,” kwatjho u Nkayi, aveza neenthombe zezinto azithandako e Africology Spa.