USho Madjozi noMakhadzi bavusa iinkulumo eenkundleni zokuthintana
Ividiyo ebonisa uMakhadzi noSho Madjozi bagida ivuse iinkulumo eenkundleni zokuthintana.
Abantu abanengi bakholwa bona laba ababili bazokuhlanganyela ingoma etja, njengoba bagida umgido wesintu weXibelani.
Nanoma bangakaqinisekisi indaba yokusebenzisana ukukhipha ingoma, kodwana abalandeli bakholwa bona bangasebenzisana kuhle, begodu bakholwa nokuthi kukhulu okuzako.
“Nanoma yini uSho Madjozi noMakhadzi abayihlanganisako, ngiyilindele! Bayenza bonyana iXibelani sibonakale sisihle begodu silula.”
Bobabili uMakhadzi noSho Madjozi basikhumbuza ngamasiko ahlukahlukeneko weSewula Afrikha ngeengoma zabo.
UMakhadzi waziwa ngomvumo weTshiVenda, kanti uSho Madjozi waziwa ngeengoma azivuma ngelimi leXitsonga.
Ukusebenzisana kwabo kungaba kuhlanganisa imihlobo emibili ebuya eLimpopo. Abaphathi babo abakakhulumi litho kuze kube nje, kodwana abalandeli basalindele isimemezelo esisemthethweni sokusebenzisana kwabo.
