Ukuphela KweShowmax Kutjhukumisa Imboni Yezokuzithabisa

Iminyaka engaphezu kwelitjhumi, iShowmax beyiyikhaya lamabali weSewula Afrika edijithali.

Lapha abalandeli babukela imidlalo yethelevishini, ama-soap, nemiboniso yangempela kanye namafilimu avela phesheya.

Kodwana izolo abalandeli bathole umlayezo othi “Isaziso Esimqoka”, oqinisekise ukuthi iShowmax izokuvalwa.

Ikhamphani iMultiChoice kanye nomnikazi omtjha uGroupe Canal+ bathe isizathu sokuyivala yikulahlekelwa kweemali okukhulile, okuthiwa kunyuke ngamaphesenti ama-88 emnyakeni odlule.

Nokho abalandeli ngekhe bazizwe ngokushesha. Abasebenzisi abasakhona bazokuqhubeka babukela njengokujwayelekile, ngoba isevisi izovalwa kancani kancani.

ICanal+ ithi izogxila kumapulatifomu wayo wokubukela nge-inthanethi.

IShowmax yaqalwa ngo-Agasti ka-2015, ngaphambi kokufika kweNetflix eSewula Afrika.

Yaba ngeyokuqala ukunikeza abantu be-Afrika amathuba wokubukela imiboniso nge-inthanethi ngendlela elungele abantu bendawo.

Yaziwa ngokusekela amabali weSewula Afrika. Imiboniso efana ne The Wife, Adulting kanye ne Youngins yakhuluma ngempilo yabantu bendawo ngeenlimi ezinjenge isiZulu, isiXhosa kanye ne-Afrikaans.

Abalandeli abanengi bathi ukuvalwa kweShowmax kubuhlungu, ngoba imisebenzi eminingi yabalingisi nabakhiqizi bendawo ibikuyo.

Ochwepheshe bathi ukuvalwa kwayo kutjhiya isikhala esikhulu embonini yokubukela nge-inthanethi eSewula Afrika.

Abantu abanengi banethemba lokuthi amapulatifomu amatjha azovela, aqhubeke nokusekela amabali weSewula Afrika nokunika abadali bemisebenzi amathuba amatjha.