Kukhuzwa i-age gap yeenthandani uThabethe noMarawa

Emva kweminyaka emithathu bangaphumeli pepenene ngethando labo nokwenza abantu bazibuze, uThando Thabethe noRobert Marawa sebaphume pepenene.

Laba ababili bakhethe umnyanya omkhulu wezemidlalo weMpera e-Afrikha, i-Hollywoodbets Durban July, ukuthi baveze  ubudlelwano babo. 

Lokhu kwenze ipikiswano eenkundleni zokuthintana.

Iindaba zethando labo zidose amehlo wabantu eenkundleni zokuthintana. 

Isithombe sabo sibonisa uThabethe ahlezi edolweni lendoda yakhe uMarawa.

Bobabili bebasesitayeleni ngeempahla ezinzima ezifanako ezenziwe ngesitayela se-cowboy.

Nanoma abalandeli abanengi, nomunye osebenzisa i-X (Twitter) owaziwa ngo AladyPL, bathande i-chemistry yabo, kodwana ubudlelwano babo nokubonisa ithando labo pepenene khange kujabulise woke umuntu.

FUNDA NALOKHU: https://ilangabinews.co.za/i-chemistry-kanompumelelo-nohlulani-iyavutha-ku-mafs-s3/

Owaziwa ngo-hlaoivan ku-X(Twitter) yena ukhombise ukutshwenyeka kwakhe mayelana nokudlulana kwabo ngeminyaka ema-17. 

Wakhuluma nokuthi umrhatjhi webholo erarhwako uMarawa oneminyaka ema-53 yi-predator. Watjho nokuthi uThabethe bekangekhe aqale ngehlangothini lakhe nangabe uMarawa bekangayo imali.

“53 dating le 1991!! Yeah, no, you’re only a paedo when you’re broke.”

UThabethe akhange avumele umbono lo umuwise umoya, kodwana waphendula ngendlela ehlakaniphile. Waphendula ngokumulungisa wathi yena li-1990.