Umndeni ka Shane Eagle uyakhula

Umvumi we-rap, u Shane Eagle uveze bonyana yena ne sthandwa sakhe seminyaka balindele umntwana wabo wesibili.

U Shane Eagle uveze iindaba zokukhula komndeni wakhe omncani emakhasini wakhe,  eenkundleni zokuthintana.

Umvumi owathumba unongorwana no nengoma edume khulu i Yellow, ukhulume ngokuzithwala komuntu wengubo azwana naye u Nicole Swartz, ngo Mvulo, ngomhlaka 01 Mngwengweni 2026.

Isaziso seendaba lezi size neenthombe ezihle zabo zokukhulelwa kuka Nicole Swartz ekhasini laka Shane Eagle ku Instagram.

Iinthombe zeenthandani ezimbili u Shane Eagle no Nicole Swartz zithethwe eduze ne Pera kanye ne kirivayi yesikade okuveza ukuzinza nobuhle bemvelo.

Kanti izibulo labo u Gia, owabelethwa enyakeni ka 2024 naye uvelile eenthombeni zabo njengo dade womntwana osendleleni.

Iindaba zokukhulelwa kuka Swartz zize ngemva kwa pheze iminyaka emithathu bazisa abalandeli babo ngesithembiso sabo somtjhado.

Isithembo sabo somtjhado sona savela ngemva kweminyaka ematjhumi yoke ebudlelwaneni babo.

Ithando la laba ababili lathoma esiskolweni, emabangeni aphezulu ngaphambili kokobana u Shane Eagle adume njengomvumi we-rap.

Emkhakheni womvumo, ithando labo lihlezi likhuthaza abantu abanengi ngokunzinza kwalo, ngesekelo abanikezana yona begodu nangobudlelwano obuhle abanawo.