Ukufunwa umseme emkhakheni wezokulingisa yi-pandemic!

Umlingisi uNelisa Mchunu ukhulume ngabantu ababawa ukuya emsemeni nabantu beengubo ukuze babanikeze imisebenzi yokulingisa.

Emcociswaneni wakhe no Sizwe Blose ku-News Avenue Podcast, uNelisa uthe uzwe iindaba ngabafazi abadlule esimeni esinjalo. Kodwana wathi lokho kuya ngomuntu.

“Lokho kuya ngomuntu. Nangabe ufuna ukukwenza lokho, kukuwe,” kwatjho uNelisa, odlala indima kaFikile ku-Uzalo.

UBlose nakabuza bonyana kheyamehlakalela into enje, umlingisi wangaphambilini we-My Brother’s Keeper waphendula ngokuhleka wathi, “Angibhayizi phela mina”.

UNelisa walemukisa abantu beengubo ngokufuna izinto ngekani, wabaqaphelisa ngokuthi lokho kungenza bonyana kubelula ukuthi badlale ngabo.

Emathomeni konyaka ka-2026, umrhatjhi uPenny Ntuli uthe ibhudango lakhe lokulingisa lafelela ngemva kokuthi umlingisi odumileko kuthiwa wabawa ukuya naye emsemeni.

Bese nakangavuma kutjhukuthi bazamubiza godu ngemva kwama-auditions. 

UPenny Ntuli waveza bonyana umlingisi lo bekangomunye wamajaji kuma-auditions.

Ngakwelinye ihlangothi, uNelisa uthi abantu abafuna ukuba balingisi bamudosela umtato babawa usizo lokuthola imisebenzi.

“Kokuthoma, angiqatjhi abalingisi. Angisiso isikhulu sokukhetha abantu. Angikwazi ukukutholela umsebenzi. Ungawuthola umsebenzi kuphela ngokuya kuma-auditions,” waveza.