U Zoe Mthiyane akafuni ukuzwa indaba ka Robert Marawa

U Zoe Mthiyane obegade amlingisi emdlalweni we Generations: The Legacy ku SABC 1 uveze ibanga lokungathatheli u Robert Marawa ehloko.

U Marawa odume khulu ngeendaba zemidlalo ngu baba lomntwana wakhe womsana.

Emqoqiswaneni wakhe no Lungelo KM we Engineer Your Life ku Youtube, u Mthiyane uveze isizathu sokulahlekelwa yihlonipho ku Marawa.

Nanoma kunjalo, u Mthiyane ukhulume ngobudlelwano obuhle abenabo nomndeni ka Robert Marawa.

Kuvele bonyana izinto zimotjheke lokha nakuzakuba nomhlangano womndeni, kwakhuphuka amaphaphu.

Nakasaqale ukuthi u baba lomntwana uzamusukumela begodu amuvikele akhange kwenzeke.

U Mthiyane uthi unina wamtjela ukuthi nangabe indoda ayikwazi ukukuvikela emndenini wakhe, kushukuthi ipi sele ikuhlulile.

Uveze bonyana ukubona u Marawa angayingeni kube sizathu esikhulu esenza ukuthi alise ubudlelwano babo.

Ukuba no baba ojamela begodu avikele umkakhe yinto u Mthiyane akhule ayibona.”Angekhe isasebenza. Nasele ngingasenayo ihlonipho kuwe njenge ndoda,” kwaveza u Mthiyane.

U Mthiyane uzwane no mlingisi u Rapulana Seiphemo kanye no Lebo M ngaphambili.

Kodwana uveze bonyana lobu ubudlelwano bakhe no Marawa besele buya emtjhadweni ngaphambi kokobaba izinto zimotjheke.